DATE: Jan. 15, 1400 (n.s.)

Account record: A Dine Raponde, conseillier et maistre d'ostel de mon dit seigneur, auquel le dit seigneur donna la somme de Vc frans d'or pour ses estraines du jour de l'an derrrenier passé pour ce qu'il envoya ledit jour a mon dit seigneur en bonne estraine un tres bel livre de l'istoire de Tituliveux, eluminé de lettres d'or et hystoires d'imaiges en pluseurs et divers lieux et aussi couvert bien et richement, si qu'il appert par les lettres de mandement dudit seigneur sur ce faictes, donnees a Paris le XVe jour de janvier l'an mil CCC IIIIxx et XIX cy rendues a court avec quictance. Pour ce Vc frans.

Dijon, ADCO, B 1517, f. 128r- Cockshaw, 1969, p. 131, no. 37; de Winter, 1985, p. 131, no. 35.

Manuscript: Unidentified manuscript

DATE: April 14, 1400 (n.s.)

Account record: A Jaques Raponde, marchant demourant a Paris, auquel estoit deu par mon dit seigneur la somme de VIc escus d'or pour une belle Bible escript en françois de lettre de forme, tres bien hystoriee dedens et dehors armoiés aus armes dudit seigneur, couverte de draps cramoisy et garnie de gros fermaulx d'argent doréz, laquelle Bible ledit seigneur fist acheter et prenre de lui pour la dicte somme de VIe escus et ycelle retenue devers lui. Si qu'il appert plus a plain par les lettres de mandement dudit seigneur sur ce faictes, donnees a Conflans lez Paris le XIIIIe iour d'avril avant Pasques l'an mil CCC IIIIxx et XIX cy rendues a court avec quictance VIc escus

Dijon, ADCO, B 1517, f. 206v- Cockshaw, 1969, p. 131, no. 38; de Winter, 1985, p. 130, no. 34.

Manuscript: Unidentified manuscript.

DATE: Dec. 23, 1400

Account record: A Jaques Raponde, marchant demourant a Paris, auquel estoit deu par mon dit seigneur la somme de Vc escuz d'or en laquelle ledit seigneur lui estoit tenus pour ung livre appellé La légende dorée escripte en françois de lettre de forme, hystorié de belles hystoires a chascun son hystoire et par dehors une anunciacion Saint Jehan et Saincte Katherine fermans a cloux d'argent doréz, armoiés aux armes dudit seigneur et couvert lcellui livre de veluiau vermeil taint en graine lequel ainsi comme il se comporte, compris an ce un bel estuy garny d'un tissu de soie, a deux mordans armoiés aux dictes armes mon dit seigneur, fist et achetta dudit Jaques et mist pardevers lui pour le dit pris de Vc escus si qu'il appert plus a plain par les lettres patentes dudit seigneur sur ce faictes, donné a Conflans lez Paris le XXIIIe jour de decembre l'an mil et CCCC cy rendu a court avec quictance sur ce. Pour ce Vc escuz



Dijon, ADCO, B1519, f. 245r- Cockshaw, 1969, p. 133, no. 43; de Winter, 1985, p. 133, no. 38

Manuscript: Unidentified manuscript.

DATE: Feb 21, 1401 (n.s.)

Account record: Sachent tuit que je, Richart le Conte, premier barbier et garde des livres de mon seigneur le duc de Bourgogne, certiffie et confesse avoir eu et receu de Digne Responde pour la vertu d'une cedule de Joceran Frepier donnee le XIXe jour de fevrier l'an mil quatrecens, deux draps de soye et autant de sandal pour covrir certains livres qui sont a mon dit seigneur, c'est assavoir la Bible ystoriee, le livre Etique, le livre Ypolite, la Bible en françoiz, les croniques de France, le livre de Tituliveus, desquelx draps et sandal je lui ay baillié ceste certificacion a laquelle j'ay mis mon seel le XXIe jour de fevrier l'an mil quatre cens

Dijon, ADCO, B 388- Cockshaw, p. 133, no. 44; de Winter, 1985, p. 131, no. 34.

Manuscript:

DATE: Jan 3, 1402 (n.s.)

Account record: A Jaques Raponde, auquel estoit deu par mon dit seigneur la somme de IIIIc escuz d'or, en quoy icellui seigneur luy estoit tenuz pour la vendue et delivrance d'un livre nommé de la Proprieté des Choses tout nuef, escript et ystorié, couvert de velueil en graine a fermouers d'argent doréz, lequel mon dit seigneur fist prendre et achetter ledit pris, si qu'il appert plus a plain par les letres patentes dudit seigneur sur ce faictes donné a Paris le IIIe jour de janvier l'an mil IIIIc et I cy rendu avec quictance, ensemble certifficacion sur ce de maistre Richart le barbier, garde des livres et rommant dudit seigneur IIIIc escuz

Dijon, ADCO, B 1526, f. 292v- Cockshaw, 1969, p. 133, no. 45; de Winter, 1985, pp. 195-197, cat. no. 4.

Manuscript: :

Brussels, Bibliothèque royale, MS. 9094, folio 12.

DATE: January 1, 1403 (n.s.)

Account record: A Jacques Raponde, marchant bourgois de Paris, auquel mon dit seigneur de grace especial a donné la somme de IIIc frans tant pour et en recompensacion d'un livre en françois de pluseurs histoires de femmes de bonne renommee qu'il lui donna aux estraines du jour de l'an derrenierement passé, comme pour les bons services qu'il lui a faiz chascun jour et espere que face ou temps avenir, si comme il appert plus a plain par les letres patentes dudit seigneur sur ce faictes, donnees a Paris le XXie jour de janvier l'an mil CCCC et deux cy rendu avec quictance. Pour ce IIIc frans.

Dijon, ADCO B1532, ffl. 156-156v; Cockshaw, 1969, p. 135, no. 49; de Winter, 1985, p. 206, cat. no. 9.

Manuscript:

Paris, Bibliothèque nationale, fr. 12420., f. 13v

DATE: May 24, 1403

Account record: A Jacques Raponde, marchant demourant a Paris, au quel estoit deu par mon dit seigneur la somme de trois cens frans d'or pour trois livres appelléz la fleur des histoires de la terre d'Orient, escrips en parchemin de lectre de fourme, historié, couvers de veluiau a fermouers d'argent doréz esmailléz et armoiéz aux armes de mon dit seigneur, lesquelz mon dit seigneur fist prendre de lui pour le pris et l'un d'iceuls donna a monseigneur de Berry et ung a mon seigneur le duc d'Orleans et l'autre, mon dit seigneur retint par devers lui. Si comme il appert plus a plain par les lectres patentes dudit seigneur sur ce faictes, donnees a Paris le XXIIIIe jour de may l'an mil CCCC et trois cy rendu avec certifficacion de Richart le Conte, barbier et varlet de chambre de mon dit seigneur sur la recepcion desdiz livres et quictance sur ce dudit Jaque Raponde. Pout ce IIIc frans.

Dijon, ADCO, B1532, fol 322v; Cockshaw, 1969, p. 136, no. 55; de Winter, 1985, pp. 208-210, cat. no. 10.

Manuscript:

Paris, Bibliothèque nationale, fr. 12201, f. 1r.

Account record: A Jaques Rapponde, la somme de LX frans d'or lesquelz du commandement de feu monseigneur le duc cui Dieu pardoint et par ordonnance de maistre Jehan Durant conseillier de mon dit seigneur, ycellui Jacques bailla et delivra pour faire ystores en la Bible en latin et en françoiz que ledit feu mon seigneur faisoit faire, laquelle mon dit seigneur a donnee a mon seigneur de Berry, aux personnes qui s'ensuivent. C'est assavoir a Ymbert Scanier enlumineur, XXIIII frans le premier jours de mars mil CCCC et III. Item, le IIIIe jour dudit mois envisant a Jaques Cont paintre, XX frans. Item, a Hainsselin de Haguenot enlumineur le XVIIe jour de may mil CCCC et quatre, XVI frans. Pour ce, par mandement de mon dit seigneur donné a Confflans lez Paris le XXIIe jour de many mil CCCC et sept, cy rendu avec quittance dudit Jaques et certifficacion dudit maistre Jehan Durant sur la delivrance duit argent LX frans

Dijon, ADCO B1547, f. 140v; Cockshaw, 1969, p. 138, no. 66; de Winter, 1985, p. 266.

DATE: Feb. 21, 1406 (n.s.)

A Jaques Rapponde, la somme de IIIIc frans d'or que mon dit seigneur lui a ordonnéz estre bailliéz pour avoir fait ung grant livre pour ycellui seigneur tant du rommans de Lancelot du Lac et du Sanc Greal, comme du roy Arthus ystorié de pluiseurs belles ystores, couvert de drap de soye, garni de deux gros fermans d'argent doréz esmailliéz. Du quel livre ycelli Jaques, si comme il afferme, a paié pour parchemin, eluminer, ystorier, relier, couvrir, et fermer la somme de IIIIc escus d'or. Et aussi pour la paine et ocuppacion qu'il a eue a faire le dit livre. Pour ce, par mandement de mon dit seigneur donné a Paris le XXI jour de fevrier mil CCCC et V [1406 n.s.] ci rendu avec quictance dudit Jaques contenant affirmacion comme dessus IIIIc frans.

Cockshaw, 1969, p. 138, no. 67.

Account record: 300 écus d'or given to Jacques Rapondi by the Duke of Burgundy "for having made a large book for this Lord, all the tales of Sir Lancelot of the Lake and of the Holy Grail, as well King Arthur." Very similar to a ms. which Regnault du Montet had sold to Jean de Berry in January 1405 (Paris, BN, fr 117-120).

The Art from the Court of Burgundy, p. 117, no. 44.

Compare to: Un grant livre appelle le livre de Lancelot du Lac, escript en francois, de lettre de forme, tres bien historié au commencement et en pluseurs lieux, lequel Mondeigneur [Berry] acheta, en janvier 1405 [1406 n.s.], de Maistre Regnault du Montet, demeurant a Paris, la somme de 300 escus d'or.

Delisle, Recherches, II, p. 266 no. 270.

DATE: Nov. 15, 1407

Account record: A Jaques Rapponde, la somme de X escus d'or que mon dit seigneur lui a ordonné estre bailliés pour avoir fait relloyer, nectoyer et mettre a point ung livre d'icelui seigneur nommé le livre de Guion le Courtois et de laquelle somme ledit Jaques a autreffois obtenu lettres qui, par petite garde, ont esté deschircez et mengiés de chiens si comme ledit Jaques a affirmé. Pour ce, par mandement donné le XVe jour de novembre l'an mil CCCC et sept cy rendu avec quictance du dit Jaques contenant affirmacion comme dessus X escus

Dijon, ADCO B1554, fol. 195r; Cockshaw, 1969, p. 139, no. 70; de Winter, 1985, p. 134, no. 41.

Account record: A Polequin Manuel et Jehanequin Manuel, enlumineurs, lesquelz mon dit seigneur par ses lettres donnees a Paris le IXe jour de fevrier mil CCCC et ung collacionnes par l'un de ses secretaires le derrenier jour d'avril ensivant, si comme il appert par la copie d'icelle cy rendue, eust retenuz pour parfaire les histoires d'une tres belle et notable Bible que avoit nagaires fait encommencier ledit seigneur, que pour l'acomplissement d'icelles et des ystoires qui y devront estre faictes, iceulx Polequin et Jehannequin ne se povoient louer a autre que a mon dit seigneur mais entendre et besongner seulement en l'ouvraige d'icelle, icellui seigneur desirant acertes ledit ouvraige estre fait et parfait le mieulx et si brief que faire se pourroit, ordena et tauxa que aus dessus diz Polequin et Jehannequin tant pour leur peine et vivre comme pour avoir leurs autres necessitéz, la somme de XX s.p. pour chascun jour ouvrable et non ouvrable jusques a quatre ans prouchains [-venans] ensivant IIIIc et cinq. C'est assavoir pour chascun d'iceulx Polequin et Jehannequin X s.p. pour chascun jour durans lesdiz quatre ans, si comme tout ce puet plus a plain apparoir par la dicte copie, pour laquelle Bible faire et historier a esté paié, baillié et delivré par ledit commis du commandement et ordonnance de mon dit seigneur a maistre Jehan Durant, son phisicien la somme de VIc frans pour iceulz emploier es escriptures et perfection d'icelle Bible et aussi es gaiges desdiz Polequin et Jehannequin desdiz XX s.p. par jour, par vertu d'un mandement de mon dit seigneur donné a Paris le VIe jour de mars l'an mil IIIIc et I, laquelle somme mon dit seigneur veult qu'elle soit alloueee es comptes d'icellui commis. Pour ce, par vertu d'icellui mandement avec quiittance dudit maistre Jehan Durant, escripte le VIIIe jour de may mil IIIIc et deux, tout rendu a court VIc frans

Dijon, ADCO, B1526, f. 292v-293; Cockshaw, 1969, pp. 133-134, no. 46; Meiss, 1974, pp. 72-73; de Winter, 1985, pp. 264-a 271.