Account record: A Dine Raponde, conseillier et maistre d'ostel de mon dit seigneur, auquel le dit seigneur donna la somme de Vc frans d'or pour ses estraines du jour de l'an derrrenier passé pour ce qu'il envoya ledit jour a mon dit seigneur en bonne estraine un tres bel livre de l'istoire de Tituliveux, enluminé de lettres d'or et hystoires d'imaiges en pluseurs et divers lieux et aussi couvert bien et richement, si qu'il appert par les lettres de mandement dudit seigneur sur ce faictes, donnees a Paris le XVe jour de janvier l'an mil CCC IIIIxx et XIX cy rendues a court avec quictance. Pour ce Vc frans.

Dijon, ADCO, B 1517, f. 128r- Cockshaw, 1969, p. 131, no. 37.

Account record: A Jaques Raponde, marchant demourant a Paris, auquel estoit deu par mon dit seigneur la somme de VIc escus d'or pour une belle Bible escript en françois de lettre de forme, tres bien hystoriee dedens et dehors armoiés aus armes dudit seigneur, couverte de draps cramoisy et garnie de gros fermaulx d'argent doréz, laquelle Bible ledit seigneur fist acheter et prenre de lui pour la dicte somme do VIe escus et ycelle retenue devers lui. Si qu'il appert plus a plain par les lettres de mandement dudit seigneur sur ce faictes, donnees a Conflans lez Paris le XIIIIe iour d'avril avant Pasques l'an mil CCC IIIIxx et XIX cy rendues a court avec quictance VIc escus

Dijon, ADCO, B 1517, f. 206v- Cockshaw, 1969, p. 131, no. 38.

Account record: A Jaques Raponde, marchant demourant a Paris, auquel estoit deu par mon dit seigneur lui estoit tenus pour ung livre appellé La legende doree escripte en françois de lettre de forme, hystorié de belles hystoires a chascun son hystoire et par dehors une anunciacion Saint Jehan et Saincte Katherine fermans a cloux d'argent doréz, armoiés aux armes dudit seigneur et couvert ilcellui livre de veluiau vermeil taint en graine lequell ainsi comme il se comporte, compris an ce un bel estuy garny d'un tissu de soie a deux mordans armoiés aux dictes armes mon dit seigneur, fist et achetta dudit Jaques et mist pardevers lui pour le dit pris de Vc escus si qu'il appert plus a plain par les lettres patentes dudit seigneur sur ce faictes, donné a Conflans lez Paris le XXIIIe jour de decembre l'an mil et CCCC cy rendu a court avec quictance sur ce. Pour ce Vc escuz

Dijon, ADCO, B1519, f. 245r- Cockshaw, 1969, p. 133, no. 43

Account record: Sachent tuit que je, Richart le Conte, premier barbier et garde des livres de mon seigneur le duc de Bourgogne, certiffie et confesse avoir eu et receu de Digne Responde pour la vertu d'une cedule de Joceran Frepier donnee le XIXe jour de fevrier l'an mil quatrecens, deux draps de soye et autant de sandal pour covrir certains livres qui sonbt a mon dit seigneur, c'est assavoir la Bible ystoriee, le livre Etique, le livre Ypolite, la Bible en françoiz, les croniques de France, le livrfe de Tituliveus, desquelx draps et sandal je lui ay baillié ceste certificacion a laquelle j'ay mis en seel le XXXIe jour de fevrier l'na mil quatre cens

Dijon, ADCO, B 388- Cockshaw, p. 133, no. 44.

Account record: A Jaques Raponde, auquel estoit deu par mon dit seigneur la somme de IIIIc escuz d'or, en quoy icellui seigneur luy estoit tenuz pour la vendue et delivrance d'un livre nommé de la Proprieté des Choses tout nuef, escript et ystorié, couvert de velueil en graine a fermouers d'argent doréz, lequel mon dit seigneur fist prendre et achetter ledit pris, si qu'il appert plus a plain par les letres patentes dudit seigneur sur ce faictes donné le IIIe jour de janvier l'an mil IIIIc et I cy rendu avec quictance, ensemble certifficacion sur ce de maistre Richart le barbier, garde des livres et rommant dudit seigneur IIIIc escuz

Dijon, ADCO, B 1526, f. 292v- Cockshaw, 1969, p. 133, no. 45.